Recent Posts

Breaking News

Daghang nagpalista sa Kapitolyo alang sa Sugbo Negosyo


MOABOT na og 4,700 ka mga aplikante ang nalista sa kagamhanan sa lalawigan sa Sugbo alang sa Sugbo Negosyo.

Sa maong datos, 271 niini ang buot nga mopabarog og kaugalingon niini nga sari-sari store nga may P10,000 nga proposed grant.

Ang Kapitolyo migahin og P100 milyones alang sa naasoyng programa nga gi-release pinaagi sa 17 ka provincial board members ug sa opisina ni Bise Gob. Hilario Davide III.

Una na nga gipahibawo sa Kapitolyo nga dili kwarta ang ihatag sa mga aplikante apan mga produkto kon materyales nga gamiton alang sa pagsugod sa negosyo.

May coupons nga iapod nga may mga Quick Response (QR) Code nga maoy gamiton sa pagkuha og supply gikan sa mga partner nga tindahan sa Kapitolyo.

Subay sa listahan sa Kapitolyo, may 15 ka mga dagkong tindahan nga mipasalig nga maoy mahimong kuhaan og supply sa mga benepisyaryo, lakip na ang National Food Authority (NFA) nga mo-supply usab sa bugas. (ANV)


Source: Sun.Star Superbalita (https://www.sunstar.com.ph/article/1874664/Superbalita-Cebu/Balita/Daghang-nagpalista-sa-Kapitolyo-alang-sa-Sugbo-Negosyo?ref=rss&format=simple&link=link)

No comments