Recent Posts

Breaking News

Chan mihangyo sa IATF alang sa senior citizens, menor


GIHANGYO ni Lapu-Lapu City Mayor Junard Chan ang Inter-Agency Task Force for Emerging Infectious Disease (IATF-EID) nga hatagan og konsiderasyon ang senior citizen ug menor de edad nga tugotan nga makasulod og hotel o resort sa dakbayan sa ilang pagbakasyon.

Samtang miluwat og Executive Order 2020 – 074 ang mayor nga nag-require sa hotel ug beach resort nga ipatuman ang automatic/digital contact tracing system sa ilang mga guest.

Kini maoy gipahibawo ni Chan atol press conference sa ‘Balik Turismo’ program niadtong Oktubre 12. diin karong Oktubre 17 ilusad ang pagbukas sa tourism activity sa Lapu-Lapu.

Ang siyudad ubos pa sa modified general community quarantine (MGCQ), diin gidili nga makasuroy-suroy ang mga senior citizen ug kadtong nag-edad og 21 anyos paubos.

Sagad sa mga bakasyonista mga sakop sa pamilya nga langkuban sa senior citizens ug mga bata.

“We already sent letter to the IATF to reconsider (to allow senior citizens and minors to go out). We are waiting for their reply,” tipik sa pamahayag sa mayor. (FVQ)


Source: Sun.Star Superbalita (https://www.sunstar.com.ph/article/1873244/Superbalita-Cebu/Balita/Chan-mihangyo-sa-IATF-alang-sa-senior-citizens-menor?ref=rss&format=simple&link=link)

No comments