Recent Posts

Breaking News

BIR Ormoc gi-lockdown


Ormoc City, Leyte - Gimando sa Bureau of Internal Revenue (BIR) 14 ( dili Region 8, Makati sa BIR regions) nga ipa-lockdown ang ilang district office sa Ormoc City.

Matod ni Jester Zacarias, spokesperson sa Ormoc City Health, usa ka babaye nga kawani sa BIR Ormoc nga taga Maasin City, Southern Leyte ang nag positibo sa Covid-19.

Ang kawani niuli sa Maasin niadtong Septiyembre 24 ug nibalik sa Ormoc niadtong Septiyembre 28.

Nagsugod og lain ang paminaw sa kawani pagka Oktubre 1 diin padulong na sab siya mopauli sa Maasin.

Gikuhaan og swab sample ang kawani didto sa Maasin pagka Oktubre 7 ug nigawas ang resulta sa Oktubre 8 ug nagpositibo kini sa Covid-19.

Ang kawani naay kapin sa 60 ka kauban sa BIR Ormoc nga karon giabisohan sa pag-home quarantine ug sa Lunes, October 12, kuhaan sila og swab samples.

Si Ormoc City Mayor Richard Gomez mihatag sa suporta sa BIR sa desisyon nga i-lockdown ang ilang opisina.

Ang mga tawo nga dunay transaksyon sa BIR gikan Oktubre 5 hangtud 8 giabisohan sa pag-stay at home o home quarantine sa hangtud sa Oktubre 5 ug gihangyo sa pakig-coordinate sa City Health pinaagi sa pag-contact sa 09228421434.

Kadtong mga tawo nga naay transakyon gikan Septiyembre 28, palihug pagpahibalo sa City Health kon pananglit naa mo gipaminaw nga sintomas sa Covid-19.

Si Mayor Gomez nimando sa City Health nga ipa-disinfect ang BIR Ormoc ug di pasudlan ni bisan kinsang kawani. (JKDP)


Source: Sun.Star Superbalita (https://www.sunstar.com.ph/article/1873109/Superbalita-Cebu/Balita/BIR-Ormoc-gi-lockdown?ref=rss&format=simple&link=link)

No comments