Recent Posts

Breaking News

Agriculturist giabo sa Covid


NAMATAY sa coronavirus disease (Covid-19) ang usa ka 59-anyos nga lalaking agriculturist sa Digos City kinsa nadugang sa ika-119 nga kumpirmadong kaso.

Nakatala og pito ka bag-ong kaso ang City Health Office (CHO) niadtong Sabado, Oktubre 10, 2020, hinungdan nga misaka na sa 43 ang nasulod sa tambalanan.

Ang 59-anyos nga maoy ikaupat nga namatay sa sakit gihulagway nga nagahimo sa iyang inadlaw nga trabaho gikan alas 8 sa buntag hangtud alas 5 sa hapon, pinaagi sa pagtrabaho sa usa ka agricultural company sa Davao del Sur.

Nasuta nga wa’y gibating sakit ang pasyente hangtud niadtong Septembre 28.

Padayon kining nitrabaho hangtud niadtong Oktubre 3, diin nakasinati na kini og ubo ug kalintura nga misangko sa lisod paginhawa mao nga gidala sa tambalanan nianang pagkaugma.

Apan, Oktubre 6 gibawian ang biktima sa iyang hinulamang kinabuhi mao nga gipailawom sa post-mortem swab test ug nasuta nga positibo sa virus. (Orlando B. Dinoy)


Source: Sun.Star Superbalita (https://www.sunstar.com.ph/article/1873092/Superbalita-Davao/Balita/Agriculturist-giabo-sa-Covid?ref=rss&format=simple&link=link)

No comments