Recent Posts

Breaking News

9-anyos gimolestiya sa 60-anyos


USA ka 9 anyos nga batang babaye gimolestiya sa usa ka 60 anyos nga lalake nga nasikop human sa krimen niadtong Biyernes, Oktubre 9, sa alas 7:00 sa gabii sa Barangay Sonog, lungsod sa San Francisco, isla sa Camotes.

Ang 9 anyos nga tinun-an sa grade 4, naluwas sa iyang mga silingan human siya gidala sa usa ka payag.

Si Police Major Alfredo Kuhay Jr., hepe sa San Francisco Police Station, nga nahinabi sa Superbalita Cebu, nagkanayon nga ang inahan sa biktima nangayog panabang sa kapulisan.

Human ang 60 anyos nga ulitawo ilang “kaabag” sa panimalay mimolestiya sa bata.

Ang inahan nibutyag nga uban niya iyang anak ug ang suspetsado nanguhag kahoy nga isugnod alas 6:00 sa gabii sa samang adlaw.

Nalipat siya kalit nga nahanaw ang iyang anak ug ang suspek.

Matod ni Major Kuhay, nga ang suspek dihang nalipat ang inahan, gidala niya ang bata sa usa ka bakanting payag.

Ang bata iyang giingnan nga mamasilong lang unta ta kay uwan.

Pag-abot sa payag, wala na makapalag ang bata iyang gihuboan sa short ug didto nahitabo ang krimen.

Apan wala siya molampos kay dunay mga silingan nga naagi sa maong dapit ug nakit-an ang biktima hinungdan nga nadakpan ang suspek. (GPL)


Source: Sun.Star Superbalita (https://www.sunstar.com.ph/article/1873139/Superbalita-Cebu/Balita/9-anyos-gimolestiya-sa-60-anyos?ref=rss&format=simple&link=link)

No comments