Recent Posts

Breaking News

76 ka pulis sa PRO 7 gipapauli sa ilang lugar


Gipahigayon sayo sa buntag sa Miyerkules, Oktubre 14, 2020, ang dungan nga send off ceremony tibuok nasod sa 2,227 ka mga pulis nga nakabenepisyo sa Localization of Assignment Program sa Philippine National Police (PNP).

Ubos sa programa, kadtong mga pulis nga nadestino sa mga police station nga layo sa ilang lugar kuhaon, ibalhin sa police station sa lugar diin siya nagpuyo.

Dinhi sa rehiyon 7, 76 ka mga pulis ang nakabenepisyo.

Mao ni ang programa ni PNP Chief Police General Camilo Cascolan nga gitumong aron di ma buwag sa ilang pamilya ang mga pulis.

Matod ni Cascolan nga kini gitumong aron malikayan ang financial struggle kay gastuso kaayo kon sa layo ma-assign ug aron usab makatrabaho og tarong.

Mga pulis nga nag-atubang og kaso ug gilabay sa laing dapit way labot sa mao nga programa. (AYB)


Source: Sun.Star Superbalita (https://www.sunstar.com.ph/article/1873388/Superbalita-Cebu/Balita/76-ka-pulis-sa-PRO-7-gipapauli-sa-ilang-lugar?ref=rss&format=simple&link=link)

No comments