Recent Posts

Breaking News

4 nadakpan sa mga buy-bust


UPAT ka gikatahapang mga durugista ang nadakpan sa managlahi nga mga buy-bust sa managlahing mga dapit sa Dkbayan sa Sugbo niadtong Biyernes sa gabii, Oktubre 9, 2020.

Ang mga operatiba sa Regional Drug Enforcement Unit (RDEU) 7 ug Regional Intelligence Unit (RIU)-7 nilusad sa buy-bust sa Barangay Tisa nga niresulta sa pagkasikop sa duha ka mga lalake.

Si Police Captain Jeoffre Grande maoy nangu sa operation nga Riva Ridge nga niresulta sa pagkasikop ni Ryan Subingsubing, 29, lumolupyo sa Sityo Mangga sa mao nga barangay mga alas 6 sa gabii.

Nadakpan usab si Marvin PacaƱa, 20.

Si Subingsubing nga maoy target sa operation nasakmitan og 53 gramos nga shabu nga mobalor ang tanan og P360,000 base sa Dangerous Drugs Board (DDB) value.

Niangkon si Subingsubing nga siya nadakpan na kaniadto sa mga pulis sa usa ka checkpoint tungod sa pagdala og marijuana, apan nakagawas sa prisohan kay nakapiyansa.

Mga pasado alas 8 sa gabii, duha nadakpan usab sa Drug Enforcement Unit (DEU) sa Parian Police Station 1.

Si Police Captain Freddie Barrientos, deputy station commander sa Station 1, maoy nangu sa buy-bust nga miresulta sa pagkasikop sa manag-uyab nga sila si Karl Dennis Ferrarin, 25, ug Angelou Booyaban, 21 sa Sityo San Roque, Barangay Lorega San Miguel.

Si Ferraren taga F.Villa St., Barangay T. Padilla ning siyudad. Ang duha nasakmitan og drugs nga mobalor og P40,000. (BBT)


Source: Sun.Star Superbalita (https://www.sunstar.com.ph/article/1873047/Superbalita-Cebu/Balita/4-nadakpan-sa-mga-buy-bust?ref=rss&format=simple&link=link)

No comments