Recent Posts

Breaking News

4 ka mga lawas sa mga lalakeng 'gi-salvage' naugkat


UPAT ka mga lawas sa mga lalakeng puro hubo napalgan sa Miyerkules, Oktubre 6, 2020, nga gipanglubong ug naugkat sa sityo Bago, Barangay Cogon, lungsod sa Compostela, amihanang Sugbo.

Matod ni Police Captain Vincent Zozobrado, hepe sa Compostela Police Station, nga usa ka tawo ang nakakita usa ka lubnganan dihang nisuot sa kakahuyan, hinungdan nga nangayo siyag panabang sa iyang mga kabanay.

Sa ilang pagkawot, nakaplagan ang usa ka lawas sa lalake, hinungdan nga dali silang nangayog panabang sa barangay officials nga mao usay nipahibawo sa kapulisan.

Matod ni Zozobrado nga laing duha ka mga lubnganan ang ilang nakaplagan, diin sa usa, duha ka mga lawas ang ilang naugkat.

Sila si Zozobrao nagtuo nga “gi-salvage” ang mga biktima.

Ning pagsuwat sa balita, padayon pa nilang gipangkawot ang dapit sa pamasin nga duna pay laing lawas.

Usa sa mga lawas dunay patik nga “Daclan.” (GPL)


Source: Sun.Star Superbalita (https://www.sunstar.com.ph/article/1872529/Superbalita-Cebu/Balita/4-ka-mga-lawas-sa-mga-lalakeng-gi-salvage-naugkat?ref=rss&format=simple&link=link)

No comments