Recent Posts

Breaking News

20 ka paltik nga armas nasakmit sa Danao City police


Paltik nga mga armas nasakmit sa Danao City police station atol sa gilusad nila nga entrapment operation gikan sa usa ka gun runner sa Huwebes sa buntag, Oktubre 8, 2020.

Ang mga armas nga nasakmit naglakip sa 15 ka mga 9mm pistol, unom ani naay marking nga Armscor, apan kinopya ra diay ug duna say kinopyang serial numbers sa orihinal nga mga armas..

Lakip sa nasakmit ang usa ka kalibre .45 nga pistola, duha ka shotguns ug duha ka .38 kalibreng revolver.

Nasayran sa Danao City Police nga ang mga serial number sa mga armas gipang-duplicate sa orihinal sa usa ka security agency nga nagbase sa Gensan Drive, City of Koronadal nga naila usab nga Marbel City.

Ang mga armas nga nasakmit nagbalor og P158,000. (AYB)


Source: Sun.Star Superbalita (https://www.sunstar.com.ph/article/1872885/Superbalita-Cebu/Balita/20-ka-paltik-nga-armas-nasakmit-sa-Danao-City-police?ref=rss&format=simple&link=link)

No comments