Recent Posts

Breaking News

2 patay sa sunog sa Sambag 1; P4.8M danyos


Duha ka tiguwang nga mga babaye ang nangamatay ug P4.8 milyunes ang danyos sa sunog sa Dominggo sa gabii, Oktubre 4, 2020 sa dan J.Alcantara, Barangay Sambag 1, Siyudad sa Sugbo.

Ang duha ka mga biktima mao sila si Glienda Mayol Neri, 80, doktor ug helper nga si Francisca Fomentera, 71.

Sila si Neri ug Formentera nanga-trap sa kwarto sa ilang gipuy-an nga Mayol Apartment.

Matod ni FO2 Fulbert Navaro nga gipahibawo siya sa nagdala nga mga medical personnel sa managlahing mga ospital nga sila si Neri ug Formentera dead on arrival.

Gituohang nangalumos sa aso ang duha ka mga biktima.

Ang mga lawas sa duha ka mga biktima nakuha sulod sa ilang kwarto sa ikaduhang andana sa Mayol Apartment kon diin didto usab nagsugod ang kayo.|

Ang mga sakop sa Emergency Medicalk Services (EMS) nisuway pa sa pag revive kang Neri, apan namatay siya ingon man si Formentera. (BBT)


Source: Sun.Star Superbalita (https://www.sunstar.com.ph/article/1872396/Superbalita-Cebu/Balita/2-patay-sa-sunog-sa-Sambag-1-P48M-danyos?ref=rss&format=simple&link=link)

No comments