Recent Posts

Breaking News

2 kritikal sa bangga sa bus, ambulansya


SIYAM ang nangaangol, duha niini kritikal, sa panagbangga tali sa Ceres bus ug ambulansiya sa Chong Hua Hospital Dominggo sa hapon, Oktubre 25, 2020, sa dan J. De Vera, eskina General Maxilom Avenue, Barangay Carreta, Siyudad sa Sugbo.

Ang mga kritikal mao ang bus conductor nga naila lang sa apelyedong Sumalinog ug si Carl Stephen Montenegro, 45, drayber sa ambulansya.

Sa inisyal nga kasayuran, ang Ceres bus nagsubay sa dan J. De Vera paingon sa lungsod sa Liloan samtang ang ambulansiya gikan sa North Reclamation Area, nagsubay sa Gen. Maxilom Avenue paingon sa Chong Hua Hospital.

Ang ambulansiya dunay karga nga mga pasyente apan di pa masuta kon pila ka buok.

Samtang, ang Ceres bus duna usay unom ka mga pasahero nga sakay. (Benjie Talisic)


Source: Sun.Star Superbalita (https://www.sunstar.com.ph/article/1874640/Superbalita-Cebu/Balita/2-kritikal-sa-bangga-sa-bus-ambulansya?ref=rss&format=simple&link=link)

No comments