Recent Posts

Breaking News

12 lungsod nilutaw sa baha


COTABATO CITY -- Nilutaw sa baha ang 12 ka lungsod sa probinsiya sa Maguindanao nunot sa daut nga lakat sa panahon.

Naapektuhan sa pagbaha ang lungsod sa Mother Kabuntalan, Northern Kabuntalan, Datu Paglas, Datu Paglat, Sultan Sabarongis, Buluan, Datu Piang, Sultan Kudarat, Talitay, Pandag, Pagalungan ug Datu Montawal.

Sumala kang Provincial Disaster Risk Reduction and Management Office Officer Nashrullah Imam nga moabot sa 40,499 pamilya ang apektado sa baha.

Kini human nga miawas ang Rio Grande de Mindanao ug ang Liguasan Marsh tungod sa way puas nga pag-ulan ug gitumbok ang mga ubos nga dapit sa probinsiya, apil na kadtong nanimuyo sa daplin sa kasapaan.

Nagpasidaan si Imam sa mga namuyo daplin sa sapa ug sa kabukiran nga magbinantayon sa ilang kaugalingon sa bul-og sa baha ug pagdahili sa yuta.

Hinuon, nagpaabot gilayon og hinabang ang kagamhanang probinsiyal ngadto sa mga naapektuhan sa pagbaha. (Edgar E. Fuerzas)


Source: Sun.Star Superbalita (https://www.sunstar.com.ph/article/1874983/Superbalita-Davao/Balita/12-lungsod-nilutaw-sa-baha?ref=rss&format=simple&link=link)

No comments