Recent Posts

Breaking News

11 ka kilong shabu, 20 kilong marijuana sunugon sa PDEA 7


ANG 11 ka kilo nga shabu ug 20 ka kilo nga marijuana nga naa sa evidence room sa Philippine Drug Enforcement Agency (PDEA) 7 sunugon karong Miyerkules, Oktubre 7, 2020, human natapos na ang mga kaso niini sa korte.

Ang balor sa shabu makabat ngadto sa P74.8 milyones ug P2.4 milyones ang 20 ka kilong marijuana.

Matod ni PDEA7 Regional Director Levi Ortiz nga naa nay pagtugot sa korte ug ni PDEA Director General Wilkins Villanueva ang pagsunog sa maong mga ebidensya.

Una nang nimando si Presidente Rodrigo Duterte sa kapulisan ug ubang law enforcement agencies sa nasud nga ipasunog na ang nasakmit nga illegal nga drugas.

Samtang si Cebu City Jail Warden Jail Supt. Julius Arro niangkon nga adunay 30 ka mga high profile person deprived of liberty (PDL) kun mga piniriso nga nangalambigit sa illegal drugs ang gibantayan karon og maayo tungod sa posibilidad nga nagpadayon sa illegal drug trade sa gawas.

Iya usab nga giangkon nga problema pa gihapon ang pagtiner og cellular phones sa mga piniriso sa City Jail.AYB


Source: Sun.Star Superbalita (https://www.sunstar.com.ph/article/1872515/Superbalita-Cebu/Balita/11-ka-kilong-shabu-20-kilong-marijuana-sunugon-sa-PDEA-7?ref=rss&format=simple&link=link)

No comments