Recent Posts

Breaking News

1 ka babaye gidakdakan og bato, patay


USA ka babaye nga dunay deperensiya sa pangutok nga gibanabana nga 30 ang panuigon, namatay human gidakdakan ang iyang ulo og dakong bato sa usa ka minor de edad nga suspek nga usa usab ka differently-abled child.

Matud ni Police Captain Edgar Labe, hepe sa Waterfront Police Station 3, ang buktima nadala pa sa ospital apan ala magdugay nabugtoan sa iyang kinabuhi.

Dugang ni Labe, ang biktma ila lang ginganlan og 'Ms. X' sanglit nga wala kini tagtungod ug anaa lang sa dalan nagpuyo ang biktima.

Samtang ang suspek nga usa ka 14 anyos nga lalake nga residente sa Barangay San Roque, siyudad sa sugbo.

Sa imbestigasyon sa Waterfront Police Station nagkalalis ang duha sa wa matino nga hinungdan sa wala pa mahitabo ang insidente kini subay sa mga pagtuo sa mga tawo nga nakakita sa duha nianang gabii niadtong Miyerkules, Oktubre 28.

Wala niini panumbalinga sa mga tawo ang panaglalis sa duha dinha sa kilid sa dalan human pulis kini huwan sa pangisip apan, mao na lang ang ilang nahibaw-an kagahapon sa buntag nga gidakdakan sa dakong bato ang maong babaye.

Ang suspek nga minor de edad gidala sa estasyon sa kapulisan sa Waterfront Police ug miangkon, matud pa, sa iyang gibuhat.

“Mura ra gyud ug wala sa iyaha ang panghitabo kay among gipangutana ang 15 anyos. Ang iyang tubag nga iya man ko giunhan og buno og bato unya iya ko gibunalan ug kahoy, kakita man ko og bato akong gibawsan," dugang ni Labe base sa asoy sa bata.

Walay kaso nga mapasaka sa minor sanglit nga anaa man sab problema kini sa iyang pangisip hinungdan nga gitugyan sa pulis ngadto na sa GAD Focal sa San Roque ug gipatawag ang ginikan niini.

“Amo tong giingan ang ginikan nga tabangan to nga malumbong ang namatay unya among gipamonitor ang bata sa mga ginikanan ug GAD Focal ug pasabton,” dugang sa hepe. (BBT)


Source: Sun.Star Superbalita (https://www.sunstar.com.ph/article/1875116/Superbalita-Cebu/Balita/1-ka-babaye-gidakdakan-og-bato-patay?ref=rss&format=simple&link=link)

No comments