Recent Posts

Breaking News

Tyson nagplanong magsige pa’g away


NAGPLANO si kanhi world heavyweight undisputed champion Mike Tyson nga padayong moaway human sa iyang exhibition bout batok kang Roy Jones Jr. karong Nobiyembre 29, 2020 sa California.

Matod ni Tyson, 54, nga ang iyang pagpakigsangka kang Jones magsilbe niyang basihan sa iyang plano.

“I believe this is just going to be the beginning, and whatever happens, happens in life,” asoy ni Tyson sa interbyu sa The Sun nga napatik sa www.gmanews.tv.

Katapusang miaway si Tyson niadto pang 2005 diin napilde siya ni Irish journeyman Kevin McBride pinaagi sa sixth-round technical knockout.

Hinuon bisan dugay na siyang wala makaaway si Tyson, naa gihapon siya sa saktong kondisyon gumikan kay wala kini nagpasagad sa iyang kaugalingon. (ESL)


Source: Sun.Star Superbalita (https://www.sunstar.com.ph/article/1869571/Superbalita-Cebu/Balita/Tyson-nagplanong-magsige-pag-away?ref=rss&format=simple&link=link)

No comments