Recent Posts

Breaking News

Task Force Kasaligan gipakatap sa Cebu City


ANG Task force Kasaligan sa Cebu City Police Office (CCPO) gipakatap na sa kabarangayan aron mopatuman sa minimum health standard.

Apan kasamtangan, dili una sila manakop ug igo lang una nga mamadlong.

Niadtong Biyernes, Septiyembre 11 ug Sabado, Septiyembre 12, nag-roving ang Task Force Kasaligan ang barangay Apas sa IT park ug sa Ayala access road sa Barangay Hipodromo aron mamadlong sa mga tawo nga naa sa gawas na wala face mask ug shield.

Matod ni Police Colonel Josefino Ligan, director sa CCPO, wala lang una sila manakop ug warning lang una ang masakpan nga wala mo unod sa minimum health standard.

Apan miklaro si Ligan nga sulod ning semanaha mobalik sa pagpanuroy ang grupo uban ang mga naka uniporme nga mga pulis aron mopatuman na sa ordinansa labot sa protocol sa Covid-19.

“Within the week kung naa silay makit-an nga nag pabadlong gihapon. I instructed the station commanders that all our force multipliers naa silay kauban nga police they are allowed to make arrest labi na gyud kadtong gahig ulo bisag badlongon na mo tubag-tubag pa,” matod ni Ligan.

Awhag sa kapulisan sa publiko nga motuman lang sa mando sa gobyerno nga ipadayon ang pag sul-ob sa facemask ug face shield bisan naa lang sa ilang barangay aron dili mobalik ang problema sa Covid-19. (AYB)


Source: Sun.Star Superbalita (https://www.sunstar.com.ph/article/1870180/Superbalita-Cebu/Balita/Task-Force-Kasaligan-gipakatap-sa-Cebu-City?ref=rss&format=simple&link=link)

No comments