Recent Posts

Breaking News

South Bus Terminal gibuksan; health protocol higpit


HUMAN sa upat ka buwan nga pagsirado, gibuksan na pag-usab sa Kagamhanan sa Lalawigan sa Sugbo ang Cebu South Bus Terminal (CSBT) sa Septiyembre 9, 2020.

Mao kini ang gipahibaw ni Carmen Quijano, manager sa pasilidad.

Sigon ni Quijano nga dili makasulod ang mga pasahero nga wa mag sul-ob og face mask ug face shield. Ang "No Ticket, No Entry" policy padayon nga ipatuman sa terminal.

Isip pagtuman sa health protocol, gilimitahan sa 500 ka mga pasahero ang makasulod sa terminal sa usa ka higayon aron seguradong makapahigayon og physical distancing.

Sa miaging semana pa giandam sa management ang terminal alang sa subling pagbukas.

Sa mga buwan nga sirado ang terminal, gihimo kini ni Gobernador Gwendolyn Garcia og bagsakan center sa mga utanon ug isda gikan sa kalungsoran.

Samtang gihimong temporaryong bus terminal ang Lantaw SRP sa Cebu South Coastal Road. (ANV)


Source: Sun.Star Superbalita (https://www.sunstar.com.ph/article/1869648/Superbalita-Cebu/Balita/South-Bus-Terminal-gibuksan-health-protocol-higpit?ref=rss&format=simple&link=link)

No comments