Recent Posts

Breaking News

Sakyanan sud sa garahian sa Mandaue nasunog


NASUNOG ang sakyanan sulod sa usa ka garahian sa usa ka importer og pipes nga nahiluna sa Purok Senyorita, Sitio Pilit, Barangay Cabancalan, Mandaue City alas 11:20 a.m. adlawng Martes, Setyembre 8, 2020.

Matod ni Rey Cortes, ang kapitan sa Barangay Cabancalan, nga nakita nila gikan sa second floor sa ilang barangay hall nga adunay nag-aso ug adunay usa ka residente sab nga mipahibawo nila nga adunay sunog sa ilang purok.

Daling miresponde ang fire truck sa ilang barangay ug mipahibawo sab sila ngadto sa Mandaue City Fire Station.

Matod ni Senior Fire Officer 1 Jade Roble, ang fire investigator, nga 11:20 a.m. nila nadawat ang alarma.

Miresponde sila sa lugar 11:25 a.m. ug nakontrol ang kayo 11:30 a.m.

Napasaka sab kini ngadto sa first alarm. (KFD)


Source: Sun.Star Superbalita (https://www.sunstar.com.ph/article/1869537/Superbalita-Cebu/Balita/Sakyanan-sud-sa-garahian-sa-Mandaue-nasunog?ref=rss&format=simple&link=link)

No comments