Recent Posts

Breaking News

Roxas Night Market mingaw


MINGAW ang unang adlaw sa pagbukas sa Roxas Night Market, Sabado, Septyembre 12, 2020, human sa pagsirado sud sa dul-an pito ka bulan.

Sa pagpaniid sa Superbalita Davao sa dapit, dunay mga tawo apan di susama niadto, butang nga mituman ang katawhan sa pahibalo sa otoridad nga gilimitahan lamang ang pagpasulod sa dapit.

Una nang gipahibalo ni Davao City Police Office (DCPO) Director Colonel Kirby John Kraft nga limitado lamang ang makasulod.

“Limitado lang ang makapasok, dahil hindi natin papayagan na hindi na masusunod ang physical distancing,” ingon ni Kraft sa 97.1 Halo-Halo FM Davao, Biyernes.

Ang ukay-ukay vendor nga si Merlyn nagbutyag nga hapit nalang sila manirado usa pa ang iyang kustomer.

“Hapit nalang mag-close isa pa ang nipalit sa akoa, mingaw kaayo, pero mas maayo kay para malikayan gyod ang Covid, pero lagi pod, pait alang namo kay walay halin,” sulti niya.

Nabalik na tanan tinda sa Roxas Night Market apan pipila lamang ang puwede makatinda, diin sa sunod duha ka semana lahi na sab ang naka-schedule nga mga vendors.


Source: Sun.Star Superbalita (https://www.sunstar.com.ph/article/1870064/Superbalita-Davao/Balita/Roxas-Night-Market-mingaw?ref=rss&format=simple&link=link)

No comments