Recent Posts

Breaking News

Modernong traffic light system itaud sa 18 ka intersections


ANG Cebu City Government niisyu na og notice of award (NOA) ngadto sa winning bidder sa P238.5 milyones nga proyekto pag-moderno sa traffic light system sa Dakbayan sa Sugbo.

Ang tauran sa traffic lights mao ang 18 ka dagkong intersection sa siyudad.

Ang Cylix Technologies Inc./Triune Electric System Inc. nag-joint venture aron ilang makuha ang proyekto, niduso sa ilang P232.5 milyones nga bid amount. Ang contractor, nagbase sa Valenzuela City sa Metro Manila, gihatagan og 10 ka adlaw sa pagpirma og kontrata uban sa City Government.

Ang intersections langkuban sa P. del Rosario st- Pelaez st, P. del Rosario st- Junquera st, P. del Rosario st- D.Jakosalem st, P. del Rosario st- Sikatuna st- T. Padilla st.

Apil sab ang General Maxilom Ave.- D. Jakosalem st, General Maxilom Ave-F. Ramos st, General Maxilom Ave- Juana Osmeña st, General Maxilom Ave-Gorrordo Avenue-Echavez st, General Maxilom Ave- San Jose st, General Maxilom Ave-Gotianuy st, General Maxilom Ave- A. Soriano st, General Maxilom Ave-S. Osmeña Ave.

Ingon man ang Juan Luna Ave- A. Soriano st, Juan Luna Ave- S. Osmeña Ave, Juan Luna Ave- F. Cabahug st-Cardinal Rosales, General Maxilom Ave-JC Vera st-Benedicto st, General Maxilom Ave-MJ Cuenco Ave ug katapusan ang MJ Cuenco- Pope John Paul II Avenue. / PAC


Source: Sun.Star Superbalita (https://www.sunstar.com.ph/article/1869844/Superbalita-Cebu/Balita/Modernong-traffic-light-system-itaud-sa-18-ka-intersections?ref=rss&format=simple&link=link)

No comments