Recent Posts

Breaking News

Lungsod sa Cortes mipadayon sa CDD approach, migahin og P14.6M


ANG local government unit (LGU) sa Cortes, laalwigan sa Bohol mipadayon sa pagpatuman sa Community-Driven Development (CDD) approach sa Kapit Bisig Laban sa Kahirapan Community and Integrated Delivery of Social Services (Kalahi-CIDSS) program sa Department of Social Welfare and Development (DSWD) 7.

Ang The CDD approach nagseguro nga ang prayoridadsa kalamboan mao ang mapatuman tungod sa participatory, collective, inclusive ug in demand-driven nga pamaagi sa desisyon gikan mismo sa nagpuyo sa dapit nga mogawas atol sa ilang panagtigom.

Ang mga molupyo usab ang moila sa ilang unang panginahanglan, kalamboan, paghatag og prayoridad ug pagpalihok sa komundiad aron kini matuman.

Si Mayor Lynn Iven Lim nagkanayon nga ang Kalahi-CIDSS nagsugod sa ilang lungsod niadtong 2015 sulod sa lima ka mga barangay sa San Roque, Malayo Norte, Lourdes, New Lourdes, and Loreto. Kining maong mga barangay ang unang nakadawat og pundo sa ilang sugyot nga sub projects.

Sulod sa upat ka tuig, ang LGU Cortes nakadawat og dul-an sa P23 milyunes nga kantidad sa sub-projects ug capability building gikan sa Kalahi-CIDSS alang sa iyang 14 ka barangays.

Nipaambit si Mayor Lim nga ang Kalahi-CIDSS nakatabang kaayo sa Cortes sa paghingpit sa iyang makuhang pundo alang sa proyekto, diin ang P22.9 milyunes gihatag isip local counterpart contribution (LCC) ngadto sa Kalahi-CIDSS projects nga gipatuman sa 14 ka barangay.

“Maayo kayo ang Kalahi tungod kay ang budget sa lungsod nagamit gyud ug naapud-apud sa tanang barangay labi na sa mga infrastructure projects. Dako-dako gyud hinuon ang na accomplish sa Kalahi diri sa Cortes,” matod ni Mayor Lim.

Dugang ni Lim nga sagad sa sub-projects nga gipundohan sa Cortes mao ang pagtukod sa daycare centers, barangay access roads, street lighting, solar drier, ug school buildings.

Dihang ang Kalahi-CIDSS nitapos sa 2019, nakahukopm si Mayor Lim sa pagpadayon sa programa tungod saiyang naktia nga benepisyo sa lungsod.

Si Lim niingon nga mopadayon sa praktis sa CDD approach sa mga proyekto nga ipatuman sa LGU Cortes labina na ang mga molupyo nakat-on na ug nakakuha pa og igong kahibalo sa pamaagi sa CDD tungod sa ilang partisipasyon sa programa.

Uban sa kasinatian sa Kalahi-CIDSS sa LGU Cortes, si Mayor Lim nakahukom sa pagtukod ogCDD office nga mosubay sa ug modumala sa CDD projects sa lungsod.

Sa 2020, ang LGU Cortes nigahin og P14.6 million sa iyang CDD projects implementation.

Karon, ang LGU Cortes dunay nagpadayon nga pagsemento sa dan sa barangays Salvador, Rosario, ug Upper Dela Paz nga mokantidad og P1.5 million matag batangay. Kini nga proyekto naapil sa P14.6 million nga pundo.

Ang Cortes masio nga modelo sa programa. (PR)


Source: Sun.Star Superbalita (https://www.sunstar.com.ph/article/1870182/Superbalita-Cebu/Balita/Lungsod-sa-Cortes-mipadayon-sa-CDD-approach-migahin-og-P146M?ref=rss&format=simple&link=link)

No comments