Recent Posts

Breaking News

LTFRB 7: Dugang 75 bus units, MPUJ modagan sugod karon


DUGANG 75 ka units sa bus ug modern public utility jeepneys (MPUJs) ang ipakatap karong adlawa, Septiyembre 7, nga moabag sa gidaghanon sa public utility vehicles (PUVs) nga nag-operate sa Sugbo ubos sa modified general community quarantine (MGCQ) status.

Si Eduardo Montealto Jr., director sa Land Transportation Franchising and Regulatory Board-Central Visayas (LTFRB 7), niingon nga kadaghanan niini mao ang mga bus.

Matod niya, kini magdugang sa kasamtangan 201 ka bus ug MPUJ units nga unang nakakuha og special permit to operate.

Samtang, dugang 40 ang madugang sa MPUJs ug buses sa mosunod nga semana.

Nangandam na lang kini nga makompleto ang ilang mga dokumento aron makabiyahe.

“Still counting pa gyud na siya kay naa pa jud tay bag-o nga gipuno kay naa pa may coming. Katong mga coming nga mga units, wala pa namo giihap og apil,” asoy niya sa SunStar Cebu.

Dugang niya nga kadaghanan sa dugang PUV units mobiyahe sa intra-city route samtang ang uban motabok sa ubang utlanan sama sa rota sa I.T Park sa Cebu City ngadto sa lungsod sa Liloan sa Cebu Province. (WBS)


Source: Sun.Star Superbalita (https://www.sunstar.com.ph/article/1869408/Superbalita-Cebu/Balita/LTFRB-7-Dugang-75-bus-units-MPUJ-modagan-sugod-karon?ref=rss&format=simple&link=link)

No comments