Recent Posts

Breaking News

'Lider' sa NPA mitahan sa Bohol


TAAS nga opisyal sa mga rebeldeng komunistang New People’s Army (NPA) nitahan sa kapulisan sa Probinsya sa Bohol niadtong Martes, Septiyembre 15, 2020.

Ang nitahan giila nga si Joseph Gulle Galagar, naila sa iyang alyas sa hugpong nga si Rakam ug Joshua.

Gitahan usab ni Galagar ang duha ka .38 kalibre nga revolver ug duha ka mga pumpboat ingon mga subersibong dokumento.

Matod sa Police Regional Office (PRO)-Central Visayas, si Galagar leader sa Squad 2 ubos sa Sandatahang Yunit Pangpropaganda sa Bohol Party Committee sa Communist Party of the Philippines (CPP).

Siya usab ang chairperson sa Cogtong Fisherman Association nga sangang sa Anakpawis ug Hugpong Mag-uumang Bol-anon-Kilusang Magbubukid ng Pilipinas (HMB-KMP).

Usa sa mga trabaho ni Galagar mao ang pagdala sa mga cadre sa NPA, armas mga gamit ug pagkaon sa Bohol, Cebu ug Negros Oriental.

Matod ni Police Brigadier General Albert Ignatius Ferro, hepe sa kapulisan sa Central Visayas, nga ang pag surrender ni Galagar dakong kawad-on sa mga komunistang grupo.

“This development will allow former rebels to rebuild their lives with their respective families. The government as well as the Philippine National Police are sincere in helping them who courageously abandoned the senseless and bloody armed struggle,” matod ni Ferro.

Adunay mga sinsitibong impormasyon nga gitug-an si Galagar ngadto sa kapulisan nga mahimong maka paaghat usab sa ubang sakop sa NPA nga motahan sa ilang kaugalingon.

Usa sa mga programa ni PNP Chief Police General Camilo Cascolan mao ang paghunong na sa insurhensya sa Central Visayas.

Nipasalig si Ferro niadtong nagtinguha motahan nga tabangan sila nga mahatagan og panginabuhian tungod ug alang sa ilang pamilya. (AYB)


Source: Sun.Star Superbalita (https://www.sunstar.com.ph/article/1870499/Superbalita-Cebu/Balita/Lider-sa-NPA-mitahan-sa-Bohol?ref=rss&format=simple&link=link)

No comments