Recent Posts

Breaking News

‘Killer’ nadakpan sa kapulisan


USA sa mga suspek nga pagpatay sa usa ka traysikol drayber sa Sityo Ilang-Ilang, Barangay Lagtang, Dakbayan sa Talisay duha na ka tuig ang milabay nadakpan sa kapulisan niadtong Lunes sa hapon, Septiyembre 14.

Si Police Major Gerard Ace Pelare, hepe sa dakbayan sa Talisay, niila sa suspek nga si Aljun Empacis Bacus, taga Barangay Mambaling, Dakbayan sa sugbo.

Si Bacus gikonsiderar sa kapulisan nga no. 1 sa most wanted person sa dakbayan sa Talisay.

Si Bacus ug laing usa pa ka suspek nga wa lang una panganli ni Pelare tungod kay pabilin pang gawasnon nidunggab patay sa biktima nga si Virgilio Pebte, 43, kinsa kauban og inom sa mga suspek niadtong 2018.

Si Bacus dunay kaso nga murder nga giisyu ni Judge Jacinto Fajardo sa Regional Trial Court (RTC) Branch 66, pinitsahan niadtong Disyembre 13, 2018.

Dugang ni Pelare nga duha ka tuig nga nag tago-tago si Bacus sa iyang paryente sa Barangay Mambaling. (BBT)


Source: Sun.Star Superbalita (https://www.sunstar.com.ph/article/1870317/Superbalita-Cebu/Balita/Killer-nadakpan-sa-kapulisan?ref=rss&format=simple&link=link)

No comments