Recent Posts

Breaking News

Kelly Williams miretiro na


NAKUGANG ang Philippine Basketball Association (PBA) dihang gianunsyo ni Talk N’ Text KaTropa forward Kelly Williams ang iyang pagretiro sa social media.

“It is with gladness & sadness that I announce my retirement from basketball,” pamahayag ni Williams sa iyang official Twitter page.

“I could not have predicted that I’d have the kind of career I was able to experience.”

Si Williams wala na miapil sa bubble-type workout sa Inspire Sports Academy sa miaging duha ka mga semana.

Sa opisyal nga pamahayag, ang TnT management nagpasalamat sa gitawag og ‘Machine Gun Kelly,’ kinsa kanhi MVP sa PBA.

“We would like to thank Kelly Williams for everything he has done for TnT Katropa,” batbat ni team manager Gabby Cui.

“We wish him all the best in his future endeavors.”

Si Williams misulod sa PBA isip No.1 overall pick sa nabungkag nga Sta. Lucia Realtors niadtong 2006 diin napili siyang Rookie of the Year awardee.

Nabalhin siya sa TnT niadtong 2010. (ESL)


Source: Sun.Star Superbalita (https://www.sunstar.com.ph/article/1869572/Superbalita-Cebu/Balita/Kelly-Williams-miretiro-na?ref=rss&format=simple&link=link)

No comments