Recent Posts

Breaking News

Kabomberohan palig-unon ni Go


TAGUM CITY, Davao del Norte -- Tulo ka managlahing sunog ang miulbo ning dakbayan diin daghan ang mga pamilya ang naapektuhan sa maong hitabo.

Ang mga apektado sa sunog anaa gipahiluna sa mga covered court sa pipila ka mga duol nga tunghaan sa dapit samtang nagpadayon ang paspas nga validation process sa City Social Welfare and Development Office (CSWDO) ning siyudad ngadto sa mga biktima.

Sa dapit, gilayong miabot ang mga staff ni Senator Christopher "Bong" Go didto sa Barangay Mankilam ug Barangay San Miguel diin asa natapok sa gihimong evacuation center. Gidala sa team alang sa mga biktima ang mga food packs, medicine packs, face mask, face shields ug ang pagdunol og cash assistance Septyembre 4, 2020.

Tanang importante ug gikinahanglan nga mga health protocols gipatuman sa dapit sa pagseguro nga atol sa programa, luwas ang mga anaa sa takna luyo niining pandemya.

Naa sab ang Department of Health (DOH) sa paghatag og mga hygiene kits ug ang Department of Social Welfare and Development nga mihatag sab og cash assistance ubos sa Assistance to Individuals in Crisis Situation (AICS) program.

Miabot sab nga mihatag og ayuda ang Department of Trade and Industry, National Housing Authority, Philippine Amusement and Gaming Corporation, Philippine Charity Sweepstakes Office, Presidential Commission for the Urban Poor, ug ang Technical Education and Skills Development Authority.

"Ako po mismo ay saksi sa hinagpis na nararamdaman ng ating mga kababayan na biktima ng mga sunog. Buwan-buwan, bago ang pandemya, ilang insidente ng sunog ang aking binibisita sa iba't ibang panig ng bansa upang makapagbigay ng tulong sa mga kababayan nating nabiktima nito," pamahayag ni Go.

Senate Bill 204

Hulyo 2019, si Go miduso og Senate Bill 204, nga mas nailhang Fire Protection Modernization Act of 2019, sa paneguro nga madugangan pa ang epektibo ug paspas nga pagtubag sa fire services.

Nagtumong kini sa pagpalambo sa kapasidad sa local Bureau of Fire Protection stations nga maghatag og luwas ug epektibo nga fire protection pinaagi sa pagmugna og modernization program, nga gilangkuban sa hiring sa dugang mga empleyado, pagpalambo sa bag-o ug pagmugna og mas komprehensibo nga mga program sa pagbansay sa kabomberohan ug ang pag-angkon og mga modern fire equipments.

"Saving lives is an honorable task but in order to efficiently serve the nation and protect Filipinos, we need to improve our services and capabilities. The [Bureau of Fire Protection] is tasked to respond to such incidents and catastrophes, and with the health crisis we are facing today, we need to further strengthen the BFP," dugang ni Go.

Ubos sa programa, mamugna sa matag local government unit (LGU) ang Fire Protection Services nga wala kanila ug ang kamugnaan sa usa ka rescue hotlines sa tanang LGUs.

Tungod niini, usa ka revised organization structure sa bureau ang direkta nga isumite sa Department of the Interior and Local Government ug sa Budget and Management ang revised organization structure nga gilangkuban sa tanang buhatan diha sa Fire Training Services, ug sa BFP Central ug Regional Hospitals samtang anaay mga new training programs ug ang qualification ug upgrading program sa ilang matag officers ug mga personnels ang mapahigayon.

Dugang pa nga ang mga daan nga fire protection equipment ug services ma-upgrade, samtang ang mga bag-o nga equipments nga mapagawas maoy mapuli sa mga obsolete equipments ug uban pang sistema diha sa inventory sa BFP.

Sa kamugnaan sa programa, matukod ang specialized fire protection services nga gilangkuban sa chemical fires, high-rise building fires, forest fires, ship and aircraft fires, disaster rescue services, emergency medical services ug daghan pa.

"During his State of the Nation Address last year, [President Rodrigo Duterte] even called on us legislators to pass a law mandating a fire protection modernization program. We want to safeguard the entire countryfrom fires and other hazards as well as natural disasters to make communities more resilient," pagpasabot ni Go.

Bag-ong balay alang sa nasunogan

Alang sa mga displaced families gumikan sa sunog nga naghulat kanus-a sila makabalay og bag-o, si Go mihanyag og usa ka Senate Bill (SB) 1228 nga matukod ang permanent evacuation centers sa matag siyudad, probinsya ug munisipalidad sa tibuok nasud.

Ang bill outlines dunay minimum requirements alang sa matag evacuation center, sama sa amenities, location ug accessibility, operation ug management, ug uban pa.

Miduso sab ang senador og SBN 1227 kon Rental Housing Subsidy Program Act niadtong Disyembre sa dali lang ang pag-access sa formal housing market, diin pinaagi sa probisyon sa rental subsidy. Ang kantidad sa subsidiya maoy percentage sa total amount sa "rental charged by the lessor." Sa mga eligible beneficiaries, ang subsidy gikinahanglan 50 percent sa total amount sa rental.

Sayo niini, ang senador mi-filed sab og SBN 203, kon nailhang National Housing Development, Production and Financing Bill, nga maoy motabang sa paglikom sa pundo alang sa increase low-cost housing production ug paghatag og support mechanisms sa pagpalambo sa access to housing options, partikular sa mga pobre nga mga Filipinos.


Source: Sun.Star Superbalita (https://www.sunstar.com.ph/article/1869464/Superbalita-Davao/Balita/Kabomberohan-palig-unon-ni-Go?ref=rss&format=simple&link=link)

No comments