Recent Posts

Breaking News

‘Igat’ gilubong sud sa balay


SA PINAKAULAHING impormasyon sa sulod lang sa balay sa pamilyang Andrade, gilubong na si Igat ang baboy nga ilang pet nga mipanaw Sabado sa hapon, Septiyembre 11, 2020.

Makita sa hulagway nga photo grabbed sa live video sa Facebook ni Igat Vitor Andrade, nga mao si Evelyn Andrade ang inahan sa pamilyang Andrade sa Barangay 22-C, Piapi Boulevard Davao City diha sa iyang FB account nga ilang gitiltil ang salog nila nga tiles nga dunay sukod ni Igat nga dunay lawom nga pagkakalot.

Gabii sa Septyembre 11 nahitabo ang pagkalot human ilang madesisyonan nga diri lamang nila ilubong aron matag karon ug unya ila kining mahandom.

Una nang nasayran nga sa sementeryo unta nila kini ilubong kung mamatay, apan gusto gayod sa pamilyang Andrade nga daw naa lang gihapon sa ilang kiliran ang pet nga baboy maong sa sud lamang sa ilang balay kini gilubong.

Si Igat nga motimbang og 500 kilos wala kamata gikan sa iyang pagkatulog diin nasaksihan pa ni Evelyn ang iyang mga takna nga naglisod na kinig ginhawa.


Source: Sun.Star Superbalita (https://www.sunstar.com.ph/article/1870065/Superbalita-Davao/Balita/Igat-gilubong-sud-sa-balay?ref=rss&format=simple&link=link)

No comments