Recent Posts

Breaking News

FEU varsity naghari sa Cepca Super Blitz


MIPAKITA og saktong abilidad ang kanhi varsity player sa Far Eastern University (FEU) nga si John Morazo aron langkaton ang titulo sa Alex Chua Superblitz Online Tournament niadtong Septiyembre 6, 2020.

Si Morazo, kinsa taga Tarlac City, nakatigom og 59 puntos ug gilupig ang varsity player sa Philippine Christian University nga si Sherwin Tiu, kinsa midakin-as sa ikaduhang dapit bitbit ang 56 puntos.

Ang kanhi representante sa World Chess Olympiad nga si Grand Master (GM) Joey Antonio mikuha sa ikatulong pwesto nga adunay 50 puntos samtang ang National Masters (NM) nga sila Merben Roque ug Rommel Ganzon maoy mikompleto sa Top 5 nga parehong adunay 47 puntos.

Misulod sa Top 10 mao sila Romeo Sadia III, NM Sander Severino, Allan Pason, Erick Spencer Valdez ug Jerome Villanueva.

Ang maong torneyo gi-organisar sa Cebu Executives & Professionals Chess Association (Cepca) ug gipaluyohan sa US-based members nga sila Enrg. Alex Chua sa Los, Angeles California ug Engr. Jojo Dondon sa Allen, Texas.

Sa laing bahin, Si Eden Diano maoy mikampiyon sa Cepcan Rosendo Yamyamin Arena tournament human kini miposte og 49 puntos nga gipahigayon sa samang adlaw.

Mikuha sa ikaduhang luna si Michael Tinga (37), Antonio Cabibil (34), NM Rogelio Enriquez Jr. (34) ug Rosendo Yamyamin (31).

Ang ikatulong torneyo niadtong adlawa mao ang Prexy Jerry Arena nga gidaog ni Sheila Sepaton pinaagi sa iyang 35 puntos.

Mitapos sa ikaduhang pwesto si Laila Nadera (29), gisundan nila Jonathan Canque (28) Cristy Cabungcag (25) ug Jovelyn Sepanton (24).

Si Enriquez ug Maria Kristine Lavandero maoy nahimong mananaog sa Cepcan Ruel Nuttal Arena ug Cepca Weekend Sat Blitz niadtong Septiyembre 5, 2020.

Midominar si Enriquez sa Cepcan Ruel Nuttal Arena nga adunay 40 puntos, si Peterson Sia (24), Eden Diano (24), Jovelyn Sepanton (23) ug Menalyn Cabungcag (15) maoy misulod sa Top 5. Samtang si Lavandero milabni sa korona sa Cepca Weekend Sat Blitz pinaagi sa iyang 30 puntos. Si Leo Cortes (26), Jonard Labadan (24), Eladio Lim III (20) ug Laila Nadera (20) maoy naapil sa Top 5.

Ang lima ka mga torneyo pulos gi-organisar sa Cepca gamit ang lichess.org. (RSC)


Source: Sun.Star Superbalita (https://www.sunstar.com.ph/article/1869573/Superbalita-Cebu/Balita/FEU-varsity-naghari-sa-Cepca-Super-Blitz?ref=rss&format=simple&link=link)

No comments