Recent Posts

Breaking News

DOH mitala sa labing daghang patay


ANG Department of Health (DOH) nitala sa Sabado, Septiyembre 12, sa labing taas nga gidaghanon sa nangamatay sa coronavirus disease (Covid-19) sud sa usa ka adlaw, diin dul-an sa 200 ang patay.

Sa labing uwahi nga case bulletin, ang DOH niingon nga 186 ang gitaho nga bag-ong nangamatay ug mas taas kini sa 162 nga nangamatay nga gitaho niadtong Hulyo 12.

Sa alas 4 sa hapon sa Sabado, ang nasod nakatala na og 4,292 nga nangamatay sa Covid-19.

Sagad sa bag-ong nangamatay natala sa National Capital Region (NCR) nga dunay 100, matod sa DOH.

Laing natala sa patay nagagikan sa Central Visayas (36), Calabarzon (19), Central Luzon (7), Western Visayas (7), unknown (3), ROF (3), Ilocos Region (2), Zamboanga Peninsula (2), Northern Mindanao (2), Mimaropa (2), Caraga (2),ug Cagayan Valley (1).

Ang ROF nagpasabot og returning overseas Filipinos.

Ang gidaghanon usab sa mga kaso sa Covid-19 nisaka, diin dunay dugang 4,935 nga nadugang sa infections nga nataho sa Sabado, Septiyembre 12.

Mayoriya sa bag-ong mga kaso nagagikan sa NCR diin dunay 2,619. (HDT, Sunstar Philippines)


Source: Sun.Star Superbalita (https://www.sunstar.com.ph/article/1870033/Superbalita-Cebu/Balita/DOH-mitala-sa-labing-daghang-patay?ref=rss&format=simple&link=link)

No comments