Recent Posts

Breaking News

Del Mar: Cebu BRT project ipatuman na


ANG Department of Transportation (DOTr), ahensiya nga gitahasan sa pagpatuman sa Cebu Bus Rapid Transit Project (CBRTP), kaduha na napakyas sa ilang gikatakda nga pagsugod sa proyekto.

Si Kongresista Raul del Mar (Cebu City, north district) nagkanayon nga seguradong daghang rason ang ahensiya sama sa kapakyas sa pagkuha og consultanvy serives ug civil works ug mapuno sa ilang pasanginlan mao ang Covid-19 pandemic.

“But then under the revised schedule the BRT was supposed to be up and running already in the first quarter of this year, before the outbreak of the plague (Covid-19),” tipik sa pamahayag ni del Mar nga gipadangat sa Superbalita Cebu.

Sa unang schedule sa first phase, kini magsugod unta niadtong Oktubre 2016, apan giusab kini ngadto sa Disyembre 2017 ngadto sa unang quarter sa Enero 2020, sumala sa namatala nga taho.

Ang bag-ong tagal gilauman nga Disyembre sa sunod tuig.

Gawas sa CiBus system, precursor service sa bus component sa proyekto, diin gilusad niadtong Marso ning tuiga.

“Cebu BRT has not picked up speed to end and compensate for the serial delay,” dugang ni del Mar.

Ang Commission on Audit (COA) nitumbok sa P16.3 billion project na usab sa iyang 2019 consolidated report, diin namantala sa miaging Septiyembre 8, nga dunay kinatibuk-ang P29.48 milyunes nga commitment fees gikan sa 2015 ngadto sa 2019 gumikan sa iyang kalangay sa pagpatuman niini.

Dugang ni del Mar, nagdagan ang daghan balayranan gikan sa charges on undisbursed balances sa loan, diin nagpatungpatong dihang ang utang niepekto niadtong Disyembre 3, 2014.

Dason ni del Mar, gawas sa salapi nga nausik, labaw sa tanan mga molupyo dugay nang nag-antos sa nagkagrabeng problema sa trapiko.

Nangindahay ang kongresista sa North Dsitrict nga matuman ang bag-ong projection sa DOTr sa Disyembre 2021.

“I appeal to the Department of Transportation and officials of NEDA (National Economic Development Authority), which oversees these projects funded by the World Bank and Agence Francaise de Developpement, to push the Cebu BRT project from where it has been stuck -- on the slow bureaucratic lane,” padayag ni del Mar.

Ang Office of the President gihatagan na og kopya sa COA report ug nanghinaut si del Mar nga malakip ang Cebu BRT project nga mapatuman na. / RRM


Source: Sun.Star Superbalita (https://www.sunstar.com.ph/article/1869840/Superbalita-Cebu/Balita/Del-Mar-Cebu-BRT-project-ipatuman-na?ref=rss&format=simple&link=link)

No comments