Recent Posts

Breaking News

Coolers Delight-Tisa abli na


MIABLI ang ika-46 nga sanga sa Coolers Delight sa Barangay Tisa, dakbayan sa Sugbo niadtong Sabado, Septiyembre 12, duol sa barangay hall.

Sa unang adlaw sa iyang pag-abli sa Tisa, daghang pumapalit ug nagbalik sa pagpalit sa ilang lamian nga mango graham float, halo-halo, shakes, fruit juices, flavored Belgian fries ug uban pa.

Nanag-iya sa kompaniya mao ang batan-ong magtiayon nga Mozart ug Wamah Mansueto nga nangunay sa pag-asikaso sa mga kustomer ug mga bisita sa Coolers Delight - Tisa.

“Maayo man dagan sa negosyo bisan sa pandemiya sa Covid. Daghan mi nga nag-ung-ong nga moabli karong tuiga,” matod ni Mozart.

Ang Coolers Delight, nagbase sa dakbayan sa Lapu-Lapu, mapalit usab pinaagi sa food delivery services sa dakbayan sa Lapu-Lapu ug Mandaue areas.

Nasayran nga ang Coolers Delight abli sa franchising apan ang Coolers Delight sa Tisa gipanag-iya sa kompaniya mismo. (RRM)


Source: Sun.Star Superbalita (https://www.sunstar.com.ph/article/1870091/Superbalita-Cebu/Balita/Coolers-Delight-Tisa-abli-na?ref=rss&format=simple&link=link)

No comments