Recent Posts

Breaking News

Collado nakigdayalogo sa mga Muslim sa Talisay


BAG-ONG nilingkod nga direktor sa Cebu Provincial Police Office (CPPO), Police Colonel Aladdin Collado, nakigtagbo sa Muslim community sa dakbayan sa Talisay niadtong Dominggo, Septiyembre 13.

Kuyog ni Collado si Police Major Gerard Ace Pelare, hepe sa Talisay City Police Station, sa tumong aron mas mapahugtan pa ang pakig-alayon sa kapulisan ug sa mga Muslim nga nanimuyo sa Talisay.

Ang maong dayalogo didto gihimo sa covered court gym sa Barangay Tabunok nga gitambongan og dul-an sa 30 ka mga Muslim nga magpapatigayon sa dakbayan.

Lakip usab nga mitambong ang pipila ka mga magtutudlo nga kababayen-an nga sakop sa Muslim community.

Matod ni Pelare, ang dayalogo gituyo kini aron mapaabot ang mga nag-unang katuyoan lakip na usab ang katuyoan sa pagpa lig-on pa sa kalinaw kon unsa pa angayan nga sugyot aron mahisgutan.

Mapasigarbohon usab si Pelare nga mipahibawo ngadto na kang Collado nga ang Muslim community nakahatag og dakong tabang sa kapulisan sa pagsumpo sa gidiling drugas tungod kay usa man sila sa mopahibawo ngadto na sa mga pulis kalabot sa ilang mahibaloan nga nalambigit sa drugas.

Si Collado, sa iyang pamahayag atol sa maong dayalogo, kon diin iyang giapaabot sa Muslim community nga kinahanglan nga ang tanang tribu o sektor magkahiusa usab sa pagpatuman sa tunhay nga kalinaw.

Tungod ang matag usa sa miyembro sa sektor maoy naay dakong responsibilidad sa komunidad dili lamang iya sa kagamhanan.

“This is a time for us to discuss matters with impact sa buhay natin, to find solution and carry out this solution,” matod ni Collado.

“We want to have an empowered community. Kaya dapat ‘yung effort natin should be one,” dason ni Collado sa Superbalita Cebu.


Source: Sun.Star Superbalita (https://www.sunstar.com.ph/article/1870179/Superbalita-Cebu/Balita/Collado-nakigdayalogo-sa-mga-Muslim-sa-Talisay?ref=rss&format=simple&link=link)

No comments