Recent Posts

Breaking News

Cardinal Tagle dunay Covid


SI CARDINAL Luis Antonio Tagle nahimong unang Roman Curia dicastery head nga nataptan sa novel coronavirus human siya nagpositibo niini sa iyang pag-abot Manila.

Sa us aka report sa Vatican News, ang Holy See Press Office nibutyag nga ang swab test ni Tagle, nga gihimo sa Huwebes, Septiyembre 10, siya positibo sa virus.

“The Cardinal does not have any symptoms and will remain in mandatory self-quarantine in the Philippines,” matod ni Holy See Press Office Director Matteo Bruni nga gikutlo sa Vatican News.

Ang taho nidugang nga ang contact tracing nagsugod na niadtong mga tawo nga dunay close contact ni Tagle.

“Necessary checks are being carried out among those who have come into contact with His Eminence in recent days,” matod ni Bruni.

Matod sa Vatican News nga ang 63 anyos nga Tagle nipailawom sa swab test sa Rome niadtong Septiyembre 7 ug negatibo ang resulta.

Sa laing report, ang CBCP News niingon nga ang presidente sa Caritas Internationalis nibiya sa Vatican alang sa Manila niadtong Miyerkules, Septiyembre 9 ug niabot sa Huwebes, Septiyembre 10.

Sa wa pa siya mobiya, sa Septiyembre 8, si Tagle nitambong sa online recollection alang sa Filipino Covid-19 frontlines, sumala sa taho sa official news agency sa Catholic Bishops’ Conference of the Philippines (CBCP).

Si CBCP News niingon nga si Tagle nagpuyo sa Pontificio Collegio Filippino sukad sa iyang pag-abot sa Rome sa Pebrero.

Kini nidugang nga ang katapusang panagtagbo sa Cardinal ug ni Pope Francis sa pribado niadto pang Agusto 29.

Samtang, ang Archdiocese of Manila daling niawhag sa mga magtutuo sa paghalad sa ilang mga pag-ampo alang sa dinaliang pagkaayo ni Tagle.

“Let us offer humble prayers for the safety and recovery of our dear Cardinal, Luis Antonio Tagle, from Covid-19,” matod sa Manila Archdiocese.

Sa wa pa siya gitudlo sa Holy See, si Tagle nagsilbeng Archbishop of Manila sukad sa 2011.

Sa Disyembre 2019, siya gitudlo nga Prefect of the Congregation for the Evangelization of Peoples.

Si Pope Francis nidala kang Tagle ngadto sa Rome niadtong Pebrero 2020 aron pagpuli sa pagpangu sa usa sa mga labing dako ug importanteng kongregasyon sa Vatican.

Ang Congregation for the Evangelization of Peoples maoy nagdumala sa Simbahang Katoliko sa Asia, Africa ug ubang mission territories.

Gihimo ni Pope Francis si Tagle nga cardinal-bishop, usa ka ranggo nga nagpakita sa sa dakong pagtamod sa Santo Papa kaniya. (HDT, AP, Sunstar Philippines)


Source: Sun.Star Superbalita (https://www.sunstar.com.ph/article/1870035/Superbalita-Cebu/Balita/Cardinal-Tagle-dunay-Covid?ref=rss&format=simple&link=link)

No comments