Recent Posts

Breaking News

Ayuda sa senior citizens ATM na


IPAAGI na sa banko ang sunod nga paghatag sa financial assistance ngadto sa kapin 83,000 ka mga senior citizen sa dakbayan sa Sugbo.

Kini ang gipahibawo ni Mayor Edgardo Labella human nasabutan tali sa mga opisyal sa Land Bank of the Philippines nga maoy labing dako nga depository bank sa Cebu City Government.

Gumikan niini, si Labella nagkanayon nga mahimong sayon na unya ang pagkubra sa senior citizens sa matag buwan nga tag-P1,000 sanglit subay sa ordinansa adunay P12,000 nga ayuda matag tuig nga ilang madawat gikan sa siyudad. Ang bag-ong matang sa sistema sa distribution gihimong libre sa LBP ngadto sa City Government.

Ang mayor niingon nga sa miaging distribution, daghan gihapon sa mga senior citizen ang napakyas pagsunod sa mga lagda sa quarantine protocol.

Gihulagway ni Labella nga sa maong paagi, mahimong paspas ug luwas sa maong mga beneficiary nga makubra sa ilang ayuda ilabi na nga anaa gihapon ang hulga sa coronavirus disease. (PAC)


Source: Sun.Star Superbalita (https://www.sunstar.com.ph/article/1869602/Superbalita-Cebu/Balita/Ayuda-sa-senior-citizens-ATM-na?ref=rss&format=simple&link=link)

No comments