Recent Posts

Breaking News

Aboitiz misuporta sa DTI


ANG Aboitiz Group hingpit nga misuporta sa panawagan sa Department of Trade and Industry (DTI) sa pagprayoridad sa paggamit sa Philippine-made materials nunot sa pagpatuman sa Build, Build, Build (BBB) program sa administrasyon alang sa pagtuyok sa ekonomiya ug pagsustiner sa trabaho sa mga Filipino taliwala sa pandemiya sa Covid-19.

Ang Aboitiz, dunay mga negosyo sa cement manufacturing ug construction sectors, subli nga nisanong sa inisyatiba sa kagamhanan ug kapasidad sa paghatag sa way babag nga serbisyo uban sa iyang dekalidad nga mga produkto.

“As the country heals and slowly recovers from the current pandemic, the Aboitiz Group continues to look for ways to also address the economic impact of this health crisis. We will keep on investing resources to help the government fire up the economy through solutions and products that are proudly Filipino backed by global expertise,” matod ni Sabin M. Aboitiz, presidente ug chief executive officer sa Aboitiz Group.

“We envision Philippines with strong and durable infrastructure that will serve Filipinos for generations to come,” dason ni Aboitiz.

Ang DTI sa sayo pa nagduso sa paggamit og lokal nga construction materials alang sa iyang mga proyekto ubos sa BBB ug ubang national ug local infrastructure projects.

Si DTI Secretary Ramon M. Lopez, kinsa gikutlo atol sa deliberasyon sa “Bayanihan To Recover As One Act” o Bayanihan 2, niingon nga ang paggamit sa lokal nga materyal mopahiuli sa daghang industriya sa nasod ug maghimo og daghang trabaho alang sa Filipinos.

Ang consumer rights organization Laban Konsyumer nanawagan usab sa kagamhanan sa pagsuport sa “Buy Pinoy program alang sa BBB sa pagtabang sa ekonomiya sa nasod.

Samtang, ang Aboitiz unit Republic Cement & Building Materials, Inc. (Republic Cement) andam na sa pagsuporta sa pagtukod og mga proyekto sa BBB sa tibuok nasod,

"Republic Cement is in a position to fully support the Philippine government’s Build, Build, Build infrastructure program,” matod ni Republic Cement Chief Executive Officer Nabil Francis. (Tampo)


Source: Sun.Star Superbalita (https://www.sunstar.com.ph/article/1870090/Superbalita-Cebu/Balita/Aboitiz-misuporta-sa-DTI?ref=rss&format=simple&link=link)

No comments