Recent Posts

Breaking News

9 ka sakop sa Talisay City Police Station nakadawat og pasidungog


SIYAM ka mga pulis sa dakbayan sa Talisay ang nakadawat og pasidungog kagahapon, Septiyembre 13, atol sa inagurasyon sa bag-ong pintal sa koral sa Talisay City Police Station (TCPS).

Ang maong okasyon personal nga gitambungan nila Talisay City Mayor Gerald Anthony Gullas ug CPPO Director Police Colonel Aladdin Cllado.

Ang siyam ka mga pulis nga nakadawat og pasidungog mao sila si PLt. Phil Restauro, PEMS Vincent Taladua, Pat Michael Aguilar, Pat Samuel Alerta, Pat Jelo Magallanes, Pat Dennis OpeƱa, Pat Cliff Jefferson Refe, Pat Welgie Abilia, ug Pat Jhon Ryan Laniba nga pulos sakop sa TCPS.

Ang maong pasidungog nga nadawat sa siyam ka mga pulis nunot sa ilang malampuson nga pagdakop kang Rejan Bagonggong, molupyo sa Sityo Mananga sa Barangay Tabunok, nga anaa sa listahan sa top 10 most wanted person sa dakbayan sa Talisay sa kasong robbery.

Ingon man ang pagka dakop kang Richard Mandal sa kasong murder nga anaa sa top 4 most wanted person sa siyudad.

Samtang, si Police Major Gerard Ace Pelare, hepe sa TCPS sa pakighinabi sa Superbalita Cebu kaniya, nipasabot nga nagmalampuson ang mural painting o ang pag-drawing ug pagpintal sa mga koral sa TCPS tungod sa pagtabang sa dunay mga tinaguan nga mga talento nga mga tawo.

Matod ni Pelare, ang mga tawo nga maoy responsable sa maanindot nga mural painting kadtong mga nakalapas sa health protocol nga violators sama sa nadakpan sa curfew, walay quarantine pass ug walay mga face mask, diin ilang nadiskobrihan nga duna diay mga talento sa pag-drawing.

Dugang ni Pelare nga ubay-ubay nga mga tawo ang nakalapas nga maoy nagtrabaho sa mural painting apan wala na niini gihulagway kon pila ka mga tawo.

Mipasabot ni Pelare nga ang pagtabang sa kadtong mga nakalapas sa health protocol nga maoy nitrabaho sa pag-drawing sa mga koral wala nagpasabot nga mao kini bugti aron dili sila mag mapasakaan og kaso.

“Its not nescessarily as a matter of procedure, they will really be charge. In fact, they where charge according what to they violate,” pasabot ni Pelare.

Dugang niya nga napasakaan man sila og kaso sibo sa ilang nabuhat nga kalapasan, ug sa ilang pagpasabot nga inay nga maglatagaw sila sa kadalanan tungod kay duna man silay talento.

Ang ilang gibuhat mao ang paghangyo sa violators nga motabang kanila ug modalit sa ilang talento pinaagi sa ilang pag-drawing sa koral isip maoy ilang tabang sa kapulisan.

Ang mural painting naghulagway sa adbokasiya sa kapulisan sa Talisay lakip na ang adbokasiya sa bag-ong pangu sa kapulisan sa probinsiya ug ang pagpakita sa hugot nga pagtambayayong sa kapulisan ug kagamhanang lokal sa siyudad nga maoy makita sa mga hulagway. (BBT)


Source: Sun.Star Superbalita (https://www.sunstar.com.ph/article/1870100/Superbalita-Cebu/Balita/9-ka-sakop-sa-Talisay-City-Police-Station-nakadawat-og-pasidungog?ref=rss&format=simple&link=link)

No comments