Recent Posts

Breaking News

59 tawo naabo sa Covid sa Davao


MOKABAT na sa 59 ka tawo ang namatay sa Davao City gumikan sa coronavirus disease (Covid-19) sukad sa unang natala niini sa bulan sa Pebrero.

Kini ang gibutyag Davao City Mayor Sara Duterte-Carpio atol sa programa niini sa 87.5 Davao City Disaster Radio (DCDR) kagahapon, Septyembre 14.

Subay sa talaan sa Department of Health (DOH)-Davao Region nga sa Davao City, anaay 228 ka mga active cases diin mototal sa 1,580 ka mga kaso, samtang 1,293 ang naka-rekober diin dunay 59 ang namatay diin. Ang maong ihap gikan sa bulan sa Pebrero 2019 hangtud Septyembre 13, 2020.

Luyo sa maong ihap, nagpadayon sa pagpaningkamot ang lokal nga kagamhanan ning dakbayan sa pagpahimangno sa Dabawenyos sa pagtuman sa mga health protocols.

Giingon sab sa mayor nga di mokompiyansa sanglit hinayhinay nang nabalik sa normal ang sitwasyon sa siyudad.


Source: Sun.Star Superbalita (https://www.sunstar.com.ph/article/1870155/Superbalita-Davao/Balita/59-tawo-naabo-sa-Covid-sa-Davao?ref=rss&format=simple&link=link)

No comments