Recent Posts

Breaking News

5 purok sa Makilala i-lockdown


KIDAPAWAN CITY -- Ipailawom sa 14 ka adlaw nga localized lockdown ang lima ka purok sa duha ka barangay sa Makilala, North Cotabato.

Tumong niini nga dili na mukuyanap ang makatakod nga coronavirus disease (Covid-19).

Sa taho gikan sa Makilala-Inter Agency Task Force nga gipaubos sa temporaryo nga localized lockdown ang lima ka mga Barangay Libertad ug Jose Rizal sa lungsod sa Makilala, Cotabato.

Human nga dunay nagpositibo sa Covid-19, ang naglaag-laag sa maong dapit nga molupyo sa Kidapawan City.

Ang maong mga purok sa Libertad, ang Purok Marang ug Purok Rambutan samtang tulo sa Barangay Jose Rizal, Purok 1, 2 ug 7.

Gipahigayon na sab ang contract tracing sa Makilala Municipal Epidemiology Surveillance Unit (Mesu) ug Kidapawan City Epidemiology Surveillance Unit (Cesu) sa mga close contact sa maong pasyente.

Sa kasamtangan, ang pasyente ang anaa na karon sa City Isolation Facility, naa sa maayo nga kondisyon ug asymptomatic kini. (Edgar Fuerzas)


Source: Sun.Star Superbalita (https://www.sunstar.com.ph/article/1870154/Superbalita-Davao/Balita/5-purok-sa-Makilala-i-lockdown?ref=rss&format=simple&link=link)

No comments