Recent Posts

Breaking News

36 ka barangay sa Cebu City, Covid-free


NIABOT na og 36 ka mga barangay sa dakbayan Sugbo ang gibuwagan sa Covid-19, Setyembre 14, 2020.

Kini human naka-recover na ang ilang tanang nangataptan sa virus sa paglabay sa 14 ka adlaw apan 4 la mga barangay, wala kini masudli sa maong virus sukad niabot ang Covid-19 sa Cebu City.

Ang mga barangay nga wala nay aktibong kaso mao ang Calamba, Adlaon, Agsungot, Babag, Bonbon, Budlaan, Cambinocot,Day-as, Ermita, Guba, Kinasang-an, Lusaran, Mabini, Malubog, Pamutan, Pasil, Pulangbato.

Lakip usab ang Pung-ol Sibugay, Quiot San Antonio, San Nicholas Proper, Santo NiƱo, Sawang Calero, Sinsin, Sirao, Sudlon I, T. Padilla, Tabunan, Tagba-o, Tinago, Toong samtang ang Covid-free sukad niabot ang virus mao ang Paril, Taptap, Buot ug Sudlon-I.

Samtang, 19 ka barangay sa dakbayan sa Sugbo ang adunay labing minos 4 ka kaso sa maong virus diin 39 ka kaso ang labing daghan nga nahimutang sa barangay Apas.

Nagsunod sa Apas ang Tisa(19), Lahug (15), Guadalupe (14), Talamban(14), Bacayan (11) Mabolo (11), Bulacao(8), Kamputhaw (8), Basak San Nicolas (7), Busay (7), Capitol Site (7), Pit-os (7), Labangon(4), Cogon Pardo(4), Inayawan(4), Luz( 4), Tejero (4) samtang ang laing 25 ka barangay adunay 1 ngadto sa 3 ka aktibong kaso.

Si Atty. Junine Aragones, incident commander sa Emergency Operation Center (EOC) nagkanayon nga adunay 3 ka barangay nga mahimong Covid free kon walay bag-ong infection.

Sa data sa Department of Health 7, adunay 385 ka mga aktibong kaso ang Cebu City, apan si Aragones, ubos na kini sanglit adunay cuf-off ang paghashas sa DOH. (PAC)


Source: Sun.Star Superbalita (https://www.sunstar.com.ph/article/1870217/Superbalita-Cebu/Balita/36-ka-barangay-sa-Cebu-City-Covid-free?ref=rss&format=simple&link=link)

No comments