Recent Posts

Breaking News

238K ka contact tracers gipakatap sa nasod


MOKABAT sa 238,000 ka contact tracers ang gipakatap sa tibuok nasod aron pagsubay ug pag-manage sa close contacts sa mga tawo nga positibo sa Sars-CoV-2, kagaw nga maoy hinungdan sa coronavirus disease 2019 (Covid-19), matod ni Department of the Interior and Local Government Secretary Eduardo Año sa Miyerkules, Septiyember 9, 2020.

Si Año niingon nga sagad kanila volunteers gikan sa Philippine National Police, Bureau of Fire Protection ug Armed Forces of the Philippines.

Si Año niingon nga ang DILG mo-hire og dugang 50,000 ka contact tracers, 20,000 kanila idestino sa Luzon ug matag 15,000 each sa Visayas ug Mindanao.

“While they will be hired on a per-province basis, they will be deployed within their region because most of the time, a big percentage of Covid-19 cases are from the barangays or cities. This is to reinforce the present number of contact tracers,” sulti ni Año sa interview sa sibyaanan sa telebisyon.

Sa sayo pa, iyang gipasalamatan ang Kongreso sa paggahin og P5 bilyunes alang sa contact tracing ubos sa Bayanihan to Recover as One Act (Bayanihan 2).

“The additional funds will allow the government to undertake aggressive contact tracing and active case surveillance and case finding which is a pillar of the National Action Plan against the pandemic,” matod ni Año.

Siya niingon nga ang pagkuha og dugang contact tracers makapahimo sa kagamhanan nga makakab-ot sa rekomendasyon ni contact tracing czar ug Baguio City Mayor Benjie Magalong nga kab-uton ang 1:37 patient sa close contact ratio aron maputol ang pagpanakod sa sakit.

Matod ni Año nga ang hiring magsugod kon ang Department of Budget Management (DBM) mopgawas sa pundo.

Ang Malacañang wa pa mopahibawo kon si Presidente Rodrigo Duterte nipirma na ba sa Bayanihan 2 law. (SunStar Philippines)


Source: Sun.Star Superbalita (https://www.sunstar.com.ph/article/1869712/Superbalita-Cebu/Balita/238K-ka-contact-tracers-gipakatap-sa-nasod?ref=rss&format=simple&link=link)

No comments