Recent Posts

Breaking News

2 ka retiradong pulis patay sa pagpamanhig


PALO, Leyte - Duha ka retiradong pulis ug mga kauban ang kompirmadong patay human banhigi sa wa mailhing mga mamumuno.

Ang insidente nahitabo pasado alas 5 sa hapon, Sabado, Septiyembre 12, 2020 sa Barangay Libertad, lungsod sa Palo, Leyte.

Ang mga biktima mao sila si Dennis Leuterio Monteza, 49, minyo, retiradong miyembro sa Philippine National Police (PNP); Constantino Campo Torre, 59, minyo, ug retirado usab nga miyembro sa PNP.

Patay usab ang ilang kauban nga sila si Ian Pat Dolina Cabrido, 43, residente sa Sitio Purisima Brgy. Guindapunan, Palo, Leyte ug Marites Pami Tuscano, 46, taga Brgy. Macaalang, Dagami, Leyte.

Base sa inisyal nga imbestigasyon, ang mga biktima padung unta sa pinuy-anan sa usa ka Darina Romero.

Ang upat nagsakay sa usa ka Ford nga puti ang color ug pag-abot sa lugar nga nahitaboan, kalit niabot ang laing mga sakyanan ug gipauwanan og bala ang mga biktima.

Gidala sa tambalanan ang mga biktima apan gideklarar nga dead-on-arrival (DOA).

Padayun pa ang imbestigasyon sa kapulisan sa insidente. (JKDP)


Source: Sun.Star Superbalita (https://www.sunstar.com.ph/article/1870094/Superbalita-Cebu/Balita/2-ka-retiradong-pulis-patay-sa-pagpamanhig?ref=rss&format=simple&link=link)

No comments