Recent Posts

Breaking News

Way makaduol kang Duterte saylo sa 6 ka tiil


SI PRESIDENTIAL Spokesperson Harry Roque sa Lunes Agusto 17, 2020, niingon nga si Presidente Rodrigo Duterte maayo ra og panglawas ug naa sa “perpetual isolation.”

Si Roque niingon nga ang Presidential Security Group (PSG) moseguro nga bisan kinsa magpabiling dunay gilay-ong di mominos unom ka mga tiil gikan sa Presidente sa tanang mga higayon aron siya panalipdan gikan coronavirus disease 2019 (Covid-19).

“His health is fine. The President is in perpetual isolation because no one can come close to him. Whenever we meet with him, there is a velvet rope that keeps him at least six feet away from everyone else,” matod ni Roque sa usa ka virtual press briefing sa Lunes.

“He is in ‘perpetual isolation’ in the sense that PSG [Presidential Security Group] has done a very good job in making sure that no one comes really close to the President,” dugang ni Roque.

Sa Dominggo, Agusto 16, si Roque nanghimakak nga ang Presidente nibiya sa nasod.

Si Roque ni-react sa mga hungihong nga si Duterte nibiya sa nasod aron magpatambal sa Singapore.

Gitataw usab ni Roque nga ang Presidente way close contact kang Department of the Interior and Local Government (DILG) Secretary Eduardo Año, kinsa nipahibawo niadtong Dominggo nga positibo na usab siya Sars-CoV-2, ang kagaw nga maoy hinungdan sa Covid-19.

Ang social media users nanagna nga ang Presidente hayan nataptan sa kagaw.

Si Roque niingon nga ang termino nga “perpetual isolation” maoy sulting pasumbingay aron paghatag og importansya sa lakang sa PSG.

“Much as he (Duterte) wanted, for instance, to shake the hands of those present during his fifth State of the Nation Address (Sona), the PSG discouraged the President from doing so as part of precautionary measures of maintaining physical distance,” siya niingon.

“The transcript of the briefing would bear me out that I put ‘perpetual isolation’ in proper context when I followed this remark with the sentence that the PSG has done a really good job in making sure that no one really comes close to the President,” dugang ni Roque. (SunStar Philippines)


Source: Sun.Star Superbalita (https://www.sunstar.com.ph/article/1867274/Superbalita-Cebu/Balita/Way-makaduol-kang-Duterte-saylo-sa-6-ka-tiil?ref=rss&format=simple&link=link)

No comments