Recent Posts

Breaking News

Voter registration mopadayon sa Septiyembre sa mga dapit ubos sa GCQ


ANG Commission on Elections (Comelec) nipahibawo niadtong Sabado, Agusto 15, nga ang voter registration sa mga dapit nga mas lugak na ang quarantine status mahimo nang mapadayon sa Septiyembre.

Ang mga dapit nga mahimo nang makapadayon mao ang gipaubos sa general community qurantine o sa mas lugak nga modified GCQ.

“In areas currently under enhanced community quarantine (ECQ), voter registration will automatically resume once the quarantine status is either downgraded to general community quarantine (GCQ), modified general community quarantine (MGCQ), or if quarantine is lifted entirely,” matod ni Comelec spokesperson James Jimenez sa usa ka pamahayag.

“Voter registration in areas not currently under quarantine, or which are under MGCQ or GCQ, shall automatically be suspended upon the upgrading of their quarantine status,” siya niingon.

Matod ni Jimenez nga ang mga aplikante mahimong mo-download ug moprinta sa official application forms gikan sa official website sa ahensya.

“It is strongly recommended that downloaded forms be filled out before going to the Comelec office for registration, but the forms should be signed only in front of the election officer, at the Comelec office,” siya niingon.

Si Jimenez nidugang nga ang Comelec mopatuman sa minimum health standards pinaagi sa pag-limit sa mga tawo sud sa iyang buhatan, kinahanglan magsul-ob og face mask ug face shields ug dunay physical distancing.

Usa ka declaration form nga magpakita nga ang aplikante way Covid-19 tipik sa requirements sa buhatan.

“Registrants will also be required to fill out a ‘Coronavirus Self-Declaration Form,’ which discloses information relating to travel, contact with people with known Covid-19 infection, and symptoms being experienced,” nagkanayon si Jimenez.

Iyang gipaneguro nga ang tanang mga buhatan sa Comelec sa nasod gi-disinfect kada adlaw. (JM, Sunstar Philippines)


Source: Sun.Star Superbalita (https://www.sunstar.com.ph/article/1867103/Superbalita-Cebu/Balita/Voter-registration-mopadayon-sa-Septiyembre-sa-mga-dapit-ubos-sa-GCQ?ref=rss&format=simple&link=link)

No comments