Recent Posts

Breaking News

Tarsier gibarter og flashlight


DAVAO DE ORO -- Laing tarsier ang naluwas sa mga pulis sa Purok 2, Barangay New Dalaguete, Montevista.

Nasayran nga alas 7:00 sa buntag niadtong Martes, Agosto 11, 2020, usa ka nagpakabanang lungsuranon mitaho ngadto sa Revitalized Police Sa Barangay Team (RPSB-TM) kabahin sa tarsier nga giingong gisulod sa tangkal sa usa ka pamilya sa nahisgutang dapit.

Daling mihimo og pakisusi ang kapulisan sa balay nga gitudlo ug giistorya ang pamilya nga ang paghupot sa mang mananap ilegal.

Apan ang pamilya nangatarungan nga ang tarsier gihatud lang sab kanila sa ilang silingan ug gikambiyohan og flashlight.

Hinuon, gitugyan sa pamilya ang mananap ngadto sa kapulisan ug alas 9:00 sa buntag sa samang adlaw gibuhian kini didto sa Purok 3 sa nahisgutang barangay kung asa siya nadakpan. (Dexter T. Visitacion)


Source: Sun.Star Superbalita (https://www.sunstar.com.ph/article/1866830/Superbalita-Davao/Balita/Tarsier-gibarter-og-flashlight?ref=rss&format=simple&link=link)

No comments