Recent Posts

Breaking News

SAP beneficiary, pusher sab og ilegal nga druga


NAGDAWATAN og ayuda gikan sa social amelioration program (SAP) sa gobiyerno apan nagnegosyuo usab og ilegal nga druga.

Nakuhaan og binultong drugas sa buy bust sa Martes, Agusto 18, sa alas 6:50 sa gabii sa Barangay Bahay, lungsod sa Sibonga mao si Delfin Sarda Sr., 55, minyo ug taga Barangay Tubod, Sibonga.

Nadakpan siya sa hiniusang operasyon sa Sibonga Police Station, Provincial Intelligence Units (PIU-CPPO), Provincial Drugs Enforcement Units (PDEU-CPPO).

Si Captain Alvino Inguito, Hepe sa Sibonga Police Station nga nahinabi sa Superbalita Cebu nagkanayon nga si Sarda ilang gibuy-bust pinagi sa pagpalit og usa ka putos nga drugaa nga mobalor og P1,000..

Atol sa transaksiyo, nakuhaan nila duha ka gagmayng putos sa shabu, laing 25 ka putos sa shabu, 1 ka medium nga putos sa shabu, motimbang sa 6.0 gramos nga mobalor sa P40,800 base sa DDB value.

Si Captain Inguito niingon nga Si Sarda nabilango na kaniadto sa gidiling drugas, apan nakagawas human na- dismiss ang kaso.

Makabaliya kinig drugas nga binulto matag simana, subay sa pagpaniid sa kapulisan. (GPL)


Source: Sun.Star Superbalita (https://www.sunstar.com.ph/article/1867507/Superbalita-Cebu/Balita/SAP-beneficiary-pusher-sab-og-ilegal-nga-druga?ref=rss&format=simple&link=link)

No comments