Recent Posts

Breaking News

P54.8-M nga drugas nasakmit bisag Covid


MOKABAT sa P54.8 milyones ang kantidad sa illegal nga drugas ang nasakmit sa Cebu City Police Office sulod lang sa upat ka buwan gikan sa Abril 10, 2020 ngadto nasa Agosto 10, 2020.

Sa maong mga petsa gipatuman ang enhanced ug general community quarantine sa Dakbayan sa Sugbo.

Sa talaan nga gipakita ni Police Colonel Josefino Ligan ang kasamtangan nga hepe sa kapulisan sa dakbayan nga nakahimo silag 261 ka anti-illegal drug operations nga mi resulta sa pagka sikop sa 376 ka drug personalities.

Sila ang labing daghan nga nasakmit nga illegal nga drugas sa tibuok Central Visayas diin nakakuha sila og kapin sa 8,000 ka kilos sa gituohang shabu nga mokantidad sa P54.8 milyones.

Matod ni Colonel Ligan nga bisan hugot ang siguridad sa kapulisan tungod sa pagpatuman sa community quarantine nagpadayon sa pagpamaligya sa illegal nga drugas ang mga durugista.

“Kining mga iligalista mangita gyud og paagi para maka ginansya, wala ta magkulang nagtrabaho gihapon ta mao nang bisan ECQ ang atung gibantayan hasta ang criminality ug illegal drugs nag operate gihapon ta nila,” matod ni Police Colonel Ligan.

Ang tinubdan sa illegal nga drugas gikan gihapon sa sulod sa Cebu City Jail diin ang drug player nga nabilanggo na maoy motawag sa iyang sinaligan sa gawas kinsa ang hatdan sa supply.

Nakig-alayon na sila sa mga bilanggoan sa Dakbayan sa Sugbo alang sa follow-up operation sa mga posibling high value target nga nagpadagan sa illegal nga drugas.


Source: Sun.Star Superbalita (https://www.sunstar.com.ph/article/1866618/Superbalita-Cebu/Balita/P548-M-nga-drugas-nasakmit-bisag-Covid?ref=rss&format=simple&link=link)

No comments