Recent Posts

Breaking News

P10K nga binuwan nga hazard pay giduso sa DOH sa Bayanihan 2


ANG Department of Health (DOH) sa Biyernes, Agusto 14, 2020, niingon nga sila niduso og rekomendasyon sa paglakip sa hazard pay alang sa pribadong mga health worker sa proposed nga Bayanihan to Recover As One Act kun Bayanihan 2 bill.

Si Health Undersecretary Maria Rosario Vergeire niingon nga ang ahensya nagtinguha sa paghatag og P10,000 nga risk allowance matag buwan sa health workers.

“So ang move ng ating gobyerno is taasan ang incentives na i-offer doon sa hiring natin (for health workers). We have now included in the recommendation for the Bayanihan to Heal as One Act part 2 na magkaroon ng additional benefits,” matod ni Vergeire sa usa ka online press briefing.

“We have already included there yung P10,000 risk allowance na ibibigay sa private health workers per month for the duration of the pandemic. Magkakaroon din ng kalinawan yung special risk allowance ng public health workers per month d’yan din,” matod niya.

Ang bersyon sa Ubos Balay Balauranan sa Bayanihan 2 bill, dunay gi-propose nga P10.5 billion nga pundo nga gigahin alang sa Department of Health (DOH).

Duna usay proposed nga P4 billion fund aron gastuhon sa pagtukod sa temporaryong medical isolation quarantine facilities, field hospitals, mga dormitoryo alang sa frontliners ug alang sa pagpalapad sa kapasidad sa mga tambalanan sa kagamhanan sa tibuok nasod.

Ang kontrobersiya sa hazard pay sa medical frontliners niulbo human si Joie Cruz, anak sa nurse nga si Ma. Theresa Cruz kinsa namatay sa coronavirus disease 2019 (Covid-19), nibutyag nga ang iyang inahan gihatagan lang pg P64.18 nga hazard pay matag adlaw inay P500 suma sa gisaad sa DOH.

Human mamatay ang iyang inahan, si Cruz niingon nga ang Cainta Municipal Government nihatag lang og P7,000 nga hazard pay.

“Apparently, the Covid hazard pay of the nurses in their public hospital has been reduced to just P150 per day and on top of it were deductions that were not even properly explained by the hospital administration. In the end, it appears my mom was only given a freaking P64.18 ($ 1.31) per day for her Covid hazard pay for 41 days,” matod ni Cruz sa usa ka Facebook post nga nahimong viral.

Si Cainta Mayor Johnielle Nieto nanghimakak sa pamahayag ni Cruz, sa pag-ingon nga ang local government nihatag og P300 nga inadlaw nga hazard pay.

“Three hundred pesos a day ang hazard na binigay ng Cainta local government unit sa mga frontliners. Ito ay makukuha mo bukod pa sa sweldong matatanggap mo bilang nurse ng ospital,” matod niya sa usa ka Facebook post.

“Sa 60-day period na pinagbasehan ng Covid timeline, kung pumasok ang frontliner ng 60 days, makakatanggap siya ng 18,000 pesos. Ang namayapang nurse ay pumasok ng 33 days. P21,000 plus ang sweldo niya. Tumatanggap na rin siya ng hazard pay bilang nurse base sa percentage ng nakukuha niyang sweldo. Kahit wala pang Covid,” dugang niya.

Ubos sa MalacaƱang Administrative Order no. 26, ang hazard pay alang sa mga personnel nga pisikal nga nitaho aron motrabaho atol sa pagpatuman sa enhanced community quarantine (ECQ) sa ilang tagsa ka work stations kinahanglan makadawat og bayad nga di molabaw sa P500 matag adlaw.

“Personnel who are already entitled to hazard pay, hazardous duty pay, hazard allowance or other similar benefits under existing laws, issuances, rules and regulations, such as public health workers, public social workers, science and technology personnel and military and uniformed personnel, shall continue to be entitled to such benefits or the Covid-19 hazard pay, whichever is higher,” matod sa mando. / SUNSTAR PHILIPPINES


Source: Sun.Star Superbalita (https://www.sunstar.com.ph/article/1866977/Superbalita-Cebu/Balita/P10K-nga-binuwan-nga-hazard-pay-giduso-sa-DOH-sa-Bayanihan-2?ref=rss&format=simple&link=link)

No comments