Recent Posts

Breaking News

Nangihi, gilubnga'g bala


DAVAO DEL NORTE -- Wa pay matumbok nga motibo ang kapulisan sa pagpusil sa 34-anyos nga lalaki sa Purok 9, Mangga-Mangga, Barangay Talomo, Sto. Tomas.

Ang biktima giila nga mao si Rogelio Acion, 34-anyos, dunay kapuyo, molupyo sa nahisgutang dapit.

Subay sa report, alas 8:05 sa gabii niadtong Biyernes dihang ang biktima migawas sa iyang balay aron unta mangihi.

Apan sa dihang tua na siya sa kilid sa iyang balay, usa ka wala mailhing armado mibutho ug sa way daghang istorya, gipusil siya sa makaupat nga higayon tumong sa nagkadaiyang bahin sa lawas.

Dali siyang gihatud ngadto sa Sto. Tomas Health Center apan wa madugay gibalhin siya sa Davao Regional Medical Center sa siyudad sa Tagum alang sa dugang medikasyon.

Narekober gikan sa crime scene ang duha ka balines sa bala sa gituohang kalibre .45 nga pistola.

Gilusad na ang manhunt operation sa Sto. Tomas Municipal Police Station aron nga mailhan ug madakpan ang suspek. (DTV)


Source: Sun.Star Superbalita (https://www.sunstar.com.ph/article/1865656/Superbalita-Davao/Balita/Nangihi-gilubngag-bala?ref=rss&format=simple&link=link)

No comments