Recent Posts

Breaking News

Motorcycle barrier kinahanglan gihapon sa Davao City


WALAY angay nga kabalak-an ang mga Dabawenyo nga nakapalit na og motorcycle barrier bisan pa og dunay modification ang Inter-Agency Task Force (IATF) on Covid-19 niini.

Kini tungod sumala ni Davao City Mayor Sara Duterte-Carpio nga "required" kun kinahanglan gihapon ang motorcycle barrier sa Davao City.

Bisan pa kon ang Department of Transportation (DOTr) nimando sa paggamit og barrier kon dunay angkas ubos sa mga lugar nga gipailawom sa modified enhanced community quarantine (MECQ) ug general community quarantine (GCQ), gi-require gihapon kini sa Davao City.

"Backriding is allowed. It doesn't matter kung unsa inyong relationship--legal or illegal. Ang sa amoa lang is magbutang mo og protection--mao ng barrier," sulti ni Mayor Inday sa Davao City Disaster Radio, Huwebes sa hapon, Agusto 20, 2020.

Una niini, nabalaka ang mga Dabawenyo nga basin unya di na magamit ang mga barrier human gipagawas ang modification niini, apan gituldukan ni Mayor Sara ang hitabo, diin sa Davao, gikinahanglan gayod kini.

Dugang sa mayor nga suma sa mga doktor nga importante kaayo ang barrier aron masanta ang pagtakod sa Covid-19 diha sa pag-angkas sa motorsiklo.


Source: Sun.Star Superbalita (https://www.sunstar.com.ph/article/1867582/Superbalita-Davao/Balita/Motorcycle-barrier-kinahanglan-gihapon-sa-Davao-City?ref=rss&format=simple&link=link)

No comments