Recent Posts

Breaking News

Mga PUJ wa pay seguro kanus-a makabalik


BISAN kon gius-usan ang status sa Siyudad sa Sugbo ngadto sa general community quarantine, Agusto 1-15, wa pa gihapoy garantiya nga makabalik na ang tradisyunal nga mga PUJ sa pagpamasaherog usab sa Siyudad.

Si Land Transportation Franchising and Regulatory Board (LTFRB) 7 Director Eduardo Montealto Jr. niingon nga ang tradisyunal nga mga PUJ matugtan lang nga makapamasahero sa Cebu City kon ma-downgrade pa ngadto sa modified general community quarantine (MGCQ).

Hinuon, siya niingon nga ilang i-assess ang sitwasyon ug ilang itakdo ang pagpakatap kon ang public utility buses (PUBs) ug modern public utility jeepneys (MPUJs) di na paigo alang sa essential nga mga pasahero.

“MGCQ and ECQ have different levels... We don’t have students who are contributing a huge number of passenger demand. We cannot let cases escalate because of negligence,” sulti niya sa SunStar Cebu sa usa ka text message. (WBS)


Source: Sun.Star Superbalita (https://www.sunstar.com.ph/article/1865508/Superbalita-Cebu/Balita/Mga-PUJ-wa-pay-seguro-kanus-a-makabalik?ref=rss&format=simple&link=link)

No comments